Болгария Республикасынын Билим берүү жана илим министрлигинин кесиптик-техникалык билим берүү жана даярдоо боюнча улуттук агенттигинде жемиштүү жолугушуу болду. Бул жолугушууда Кыргыз Республикасынын өкүлдөрү жаш эмгек мигранттарын формалдуу жана формалдуу эмес окутуунун натыйжаларын көз карандысыз аттестациялоо жана валидациялоо, электрондук окуу ресурстарын колдонуу менен окутууну уюштуруу, микромодулдардын педагогикалык сценарийлерин иштеп чыгуу, ошондой эле микродаражаларды ыйгаруу жана таануу маселелерин талкуулашты. Ирина Димитрова айым Болгариядагы формалдуу эмес билим берүүнүн жыйынтыктарын валидациялоо системасы тууралуу маалымат берди.